Jólabingó var haldið fyrir yngri kynslóðina.

Á degi íslenskrar tungu, þann 16. nóvember 2011, verður kynntur mikilvægur áfangi í Talgervilsverkefni Blindrafélagsins.

Miðstöðinni hefur borist rausnarlegur styrkur frá Blindrafélaginu að upphæð tvær milljónir króna vegna leiðsöguhunda

Miðstöðin mun bjóða upp á bækur á punktaletri eins og undanfarin ár.

Sjóðurinn gaf Ipad spjaldtölvu sem mun verða notuð til prófann með sjónskertum nemendum.

Fimmtudaginn 1. desember mun Miðstöðin halda jólabingó fyrir nemendur sem nota punktaletur eða stækkað letur frá 15-17 í húsnæði Miðstöðvarinnar

Fimmtudaginn 13. október kl 17:00, á alþjóðlegum sjónverndardegi, verður Guðmundur Viggósson augnlæknir með fyrirlestur um gláku og glákuvarnir í fundarsalnum í Húsi Blindrafélagsins að Hamrahlíð 17.

Í tilefni af degi Hvíta stafsins, laugardaginn 15. október næstkomandi verður opið hús að Hamrahlíð 17, í Húsi Blindrafélagsins milli kl. 14.00 og 16.00

Hljóðlýsingar snúast um að gera myndir aðgengilegar fyrir sjónskerta og blinda einstaklinga. Það er gert með því að notast við hugmyndaríkan og líflegan orðaforða. Þátttakendur í námskeiðinu munu fá reynslu af því hvernig greinargóðar lýsingar geta gert sjónrænar upplifanir ánægjulegri fyrir blinda og sjónskerta einstaklinga.

Endurmenntun Háskóla Íslands og Miðstöðin standa fyrir námkeiði í punktaletri.

Námskeiðsdagur fyrir kennara var haldinn 16. ágúst síðastliðinn. Námskeiðið heppnaðist vel og var vel sótt. Í boði voru þrjú mismunandi námskeið. Eitt námskeið var í þreifibókagerð, námskeið í undirstöðum þess að vinna með nemendur í umferli og ADL og þriðja námskeiðið var um aðgengi og útfærsla á námsefni fyrir blinda og sjónskerta nemendur.

„Út að ganga“ og „Nótur á punktaletri“ fyrir notendur Miðstöðvarinnar og kynning um punktaletursnótur fyrir tónlistarkennara.

Þjónustu- og þekkingarmiðstöð fyrir blinda, sjónskerta og daufblinda einstaklinga hefur gefið út í samvinnu við Samskiptamiðstöð heyrnarlausra og heyrnarskertra tvö ný rit sem eru leiðarvísar um meðfædda daufblindu og síðdaufblindu. Ritin voru gefin út á alþjóðadegi daufblindra 27. júní sem er fæðingardagur Helen Keller.

Dagana 8.-10. júní fór fram barnanámskeið á vegum miðstöðvarinnar. Níu börn á aldrinum 7 til 13 ára tóku þátt. Hér var um þriggja daga námskeið að ræða og ýmislegt gert til að fræða og skemmta börnunum. Barnanámskeið hafa verið haldinn árlega oftast í byrjun sumars og verið vel sótt. Þarna geftst börnunum tækifæri til að kynnast innbyrðis og að prófa og læra nýja hluti. Það er mat okkar sem komu að námskeiðinu að þessu sinni að vel hefur tekist til og vonandi verður annað námskeið að ári liðnu.

Félagið Fjóla – félag fólks með samþætta sjón- og heyrnarskerðingu heldur upp á alþjóðlegan dag fólks með samþætta sjón- og heyrnarskerðingu mánudaginn 27. júní 2011 í Hamrahlíð 17 á annarri hæð. Boðið verður upp á fjölbreytta dagskrá auk þess sem hægt verður að skoða hjálpartæki og kynna sér samskiptaleiðir. Veitingar verða í boði.

Tillaga að breytingu á nafni Daufblindrafélags Íslands var samþykkt einróma á framhaldsaðalfundi félags fólks með samþætta sjón- og heyrnarskerðingu (áður Daufblindrafélag Íslands) þann 3. júní 2011 og heitir félagið nú Fjóla – félag fólks með samþætta sjón- og heyrnarskerðingu.

Í lok október verða haldnar norrænar tónlistarbúðir í Danmörku þar sem einstaklingar frá Norðurlöndunum hittast og spila saman. Íslendingum býðst að taka þátt í þessu verkefni í fyrsta skipti nú í ár og leitum við um þessar mundir að einstaklingum sem hafa áhuga á að vera þátttakendur.

Dagana 18-20. maí síðastliðinn fóru 4 einstaklingar á vegum Þjónustu- og þekkingarmiðstöðvarinnar til Noregs til að fylgjast með námskeiði í punktaletursnótum. Tilgangur ferðarinnar var til að kynna sér nánar punktaletursnótur, gerð námsefnis á punktaletursnótum, kennsluaðferðir o.fl.

Nýverið voru samþykkt á Alþingi ný lög um íslenskt mál. Í lögunum er kveðið á um rétt blindra og sjónskertra til notkunar punktaleturs. Þetta er mikil framför og löngu tímabær staðfesting á rétti þeirra sem nýta sér punktaletur.

Þriðjudaginn 16. ágúst verður námskeiðsdagur fyrir starfsfólk leik,- grunn,- og framhaldsskóla. Nánari upplýsingar er að finna undir hlekknum námskeið.

Heimasíðan Evision55plus er afrakstur evrópuverkefnis þar sem tekið var saman efni fyrir sjónskerta og sett upp í þægilegt fræðsluform.

Vegna starfsmannaferðar verður lokað föstudaginn 13. maí.

Síðastliðin tvö ár hefur Miðstöðin unnið að áhugaverðu verkefni í samstarfi við myndmenntakennara Lindaskóla í Kópavogi og nemendur í 3. bekk. Miðvikudaginn 4. maí verða bækurnar afhentar við formlega athöfn í Lindaskóla.

Lög um leiðsöguhunda í fjölbýli voru samþykkt á Alþingi

Íva Marín Adrichem sigraði í ritgerðarsamkeppni Lions um frið. Keppnin er alþjóðleg og er ætluð blindum og sjónskertum ungmennum á aldrinum 11-13 ára.

Í gegnum vefsíðu Robobraille er hægt að breyta skjali í punktaletur.

Blindrafélagið hefur tekið ákvörðun um að hafa forgöngu um smíði á nýjum íslenskum talgervli sem stenst samanburð við það besta sem þekkist í erlendum málum.

Þjónustu- og þekkingarmiðstöðin heyrir nú undir hið nýja velferðarráðuneyti er varð til um áramótin við sameiningu heilbrigðisráðuneytisins og félags- og tryggingamálaráðuneytisins.

Opið verður milli 9-16 dagana 27.-30. desember. Lokað er á þorláksmessu, aðfangadag og gamlársdag.

Þjónustu-og þekkingarmiðstöð fyrir blinda, sjónskerta og daufblinda einstaklinga
óskar landsmönnum öllum gleðilegra jóla og farsæls nýárs, með þökkum fyrir
gott samstarf á árinu sem er að líða.